واش راح يقولو علينا الناس

والله انك مبدع يا بابا.. المقالة اللي كتبتها كتير حلوة..
- يعني اقتنعت تخليني سجل أدبي؟؟ لحتى صير كاتب؟؟
- لأ.. إلا هي.. علمي وبس.. واش راح يقولوا عنا العالم!!! ابن الدكتور عدنان مسجل أدبي؟؟ لا وبدو يصير كاتب كمان!!... أنا بدي ياك تصير أكبر دكتور.. وارفع راسي فيك بين الناس..
******************
- أنا أشهر مهندس بهالبلد.. أعطي بنتي لمصلح حواسيب؟؟!!! لا وبدو يسكنك ببيت إيجار.. مشان العالم شو يقولوا .. بنت المهندس أحمد عاطي بنته لواحد منتووووف..
- بابا بس أنا ارتحتله .. وبعدين هو بيعشق تخصصه ومبدع فيه..
- لا والله .. يعشق تخصصه أد ما بدو ويروح ياخد ناس بمستواه.. ناقصني بآخر عمري ينحكى عليي بسبب بنتي..
******************
- ماما ليش يعني ؟؟ الحجاب ما إلو شكل محدد المهم تتوافر فيه شروط.. والجاكيت هداك بتتوافر فيه كل شروط الحجاب الشرعي.. ومو بالضرورة يكون جلباب..
- قلتلك لااأ يعني لأ.. شو مأحلانا بنتنا طالعة بدون جلباب ..واش راح يقولوا عنا العاااااااااالم!!!!!
***********************
والقصص مستمرة..
[ثقافة العيب.. حرمان الفتاة من اختيار شريك الحياة.. تحويل العبادة إلى عادة]
وغيرها من المشاكل المجتمعية التي تندرج تحت جملة (واش راح يقولوا عنا العالم) وانطلاقاً من هذه الجملة اسمحوا لي بعدة أسئلة أرجو أن تجيبوها.. طبعاً يمكنكم الإجابة عن هذه الأسئلة بشكل عام وليس بالتفصيل..
- هل تحسب حساب الناس وكلامهم في كل عمل تقوم به؟
وإلى أي مدى تهتم بكلام الناس؟
- هل من الممكن أن تغير اتخاذك لقرار معين بناء على كلام العالم؟
- هل من الممكن أن تدخل تخصص عكس ميولك لتحافظ على قيمتك ومركزك بين الناس؟
- هل تشترطين مستوى اجتماعي ومادي مرتفع لمن يتقدم لخطبتك؟
- هل تحجبتي بناء على اقتناعك أم بناء على ضغط كلام الناس؟؟ (أو أي عبادة أخرى)
- وأخيراً ما رأيك بالمشاكل التي ذكرت في الأعلى وخصوصاً ثقافة العيب؟؟
ارجو من الجميع التفاعل